Pages

Saturday, April 25, 2015

દુ:ખ વગર, દર્દ વગર, દુ:ખની કશી વાત વગર (અમૃત ઘાયલ)


દુ:ખ વગર, દર્દ વગર, દુ:ખની કશી વાત વગર,
મન વલોવાય છે ક્યારેક વલોપાત વગર.

આંખથી આંખ લડી બેઠી કશી વાત વગર,
કંઈ શરૂ આમ થઈ વાત શરૂઆત વગર.

કોલ પાળે છે ઘણી વાર કબૂલાત વગર,
એ મળી જાય છે રસ્તામાં મુલાકાત વગર.

એમ મજબૂરી મહીં મનની રહી ગઈ મનમાં,
એક ગઝલ જેમ મરી જાય રજૂઆત વગર.

આ કલા કોઈ શીખે મિત્રો કનેથી ‘ઘાયલ’,
વેર લેવાય છે શી રીતે વસૂલાત વગર.

-અમૃત ‘ઘાયલ

No comments:

Post a Comment