Pages

Tuesday, November 10, 2015

ફૂલને ભમરો નથી સ્પર્શ્યો જરી (મગન મંગલપંથી)

ફૂલને ભમરો નથી સ્પર્શ્યો જરી,
વાયરાએ વાત ત્યાં વહેતી કરી !

પુષ્પ ડાળીએ મજાનું એકલું ,
ઝૂલતું'તું શ્વાસમાં ખુશબો ભરી.

પાંખડીઓ કેમ કરમાઈ હશે ?
લાગ જોઈ લાગે છે, 'છેડી ખરી !'


પર્વતે ટોક્યો, નદીએ ઝાટક્યો,
સૂર સહુનો એક છે : 'ભારે કરી !'

કામ આવી મિત્રતા ત્યાં ઓસની,
દોડી આવી તુર્ત ને હામી ભરી.

કેદમાં છે સાંજથી ભમરો સ્વયં,
વાયરો કહેશે ફરી ? 'જુઓ જરી !'
                                              - મગન 'મંગલપંથી'

No comments:

Post a Comment